O Νικόλαος Βεργίτσης έλαβε από τον Andrea Corner κρασί σε βαρέλια αξίας 95 υπέρπυρων για να τα εμπορευτεί ο αδελφός του Ιωάννης, με τον καλύτερο δυνατό τρόπο, σε ξηρά και θάλασσα για τους επόμενους 8 μήνες.

Die eodem. Manifestum facio ego Nicolaus Vergici, filius papatis Petri Vergici de suo consensu, quia recepi a te Andrea Cornario, filio condam domini Marci Cornario, habitatore Candide, tantum de vino invaxaeletum quod ascendit yperpera LXXXXV, cum quibus et eorum prode Iohannes frater meus negociari debet per terram et per aquam sicut michi bonum videbitur amodo usque ad VIII menses proximos, faciendo racionem infra dies XV, dando tibi tuum capitale cum duabus partibus tocius prode, retenta michi reliqua tercia parte ipsius prode. Tamen tuum suprascriptum habere debet esse in tuo periculo clarefacto maris et gentium. Hec autem et cetera. Testes Nicolaus de Misina et Iacobus Caliva. Complere et dare. Sciendum est quod de istis denariis medietas est suprascripti Nicole Vergici et alia medietas Georgii Ialina. Verum quod dominus Andreas debet habere lucrum medietatis Nicole Vergici. Verum est quod si aliquid periculum dictus Nicola pateretur donec Candidam reddierit, illud periculum debet esse suprascripti domini Andree tamquam si cetera coligancia. Solvit.