Η Marchesina, χήρα του Andrea Barbadico και οι γιοι της Nicola, Giovanni και Lorenzo, όλοι τους εκτελεστές της διαθήκης του Andrea, νοικιάζουν στον Vassili Dandolo και στον Κωνσταντίνο Σαχλίκη τη γη και όλα σπίτια στο χωριό Χονδρολέα για τα επόμενα 4 χρόνια, αρχής γενομένης από τον προσεχή Οκτώβριο. Το ετήσιο ενοίκιο ορίστηκε στα 400 μουζούρια σιτάρι.

Die eodem. Manifestum facimus nos Markesina relicta, Nicolaus, Iohannes et Laurencius Barbadico, condam filii et commissarii Andree Barbadico, habitatores Candide, quia damus, concedimus atque affictamus vobis Vaxili Dandulo dicto Paterimo et Constantino Saclichi, habitatoribus Candide, tam totam nostram terram tam laboratoriam quam a pasculo de la Condrolea, cum omnibus domibus casalis Condrolee, ad kallendas mensis octubris proxime venturi et inde in antea usque ad annos quatuor prius venturos, tempore pacis in capite levantis huius Insule, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi, seminandi, pasculandi et omnes alias vestras utilitates in eis et ex eis faciendi usque ad complementum dicti termini, nemine vobis contradicente. Quam debemus vobis defendere et manutenere a qualibet persona. Vos vero pro affictu suprascripte terre nostre debetis nobis dare in die primo tempore mensionis, super areis, de omnibus calurgiis quas modo ad presens pro primo anno facientes, de omnibus duabus mensuras tres et de omnibus protocalamis quas seminabitis semen solomodo et in reliquie tribus annis debetis nobis dare omni anno, tempore mensionis super areis, mensuras boni frumenti cretensis CCCC et hoc de meliori frumento quod habebitis de dicto loco. Completo vero termino suprascripto, debetis nobis dictam nostram terram cum domibus ipsius casalis et illas quas facietis refutare sicut tunc invenientur. De qua terra debetis nobis refutare terciam partem inlaboratam. Sciendum est quod si capud levantis huius Insule rebelaretur, quod abscit, quod non possetis recoligere quod seminabitis, non tenemini de terçaria predicta nisi de tanto quanto recoligere poteritis. Sub pena yperperorum XXV et in sua permaneat firmitate. Testes Petrus de Belamor, Nicolaus de Misina et Deodatus Agapito. Complere et dare. Non.