Ο Nicola Megino βεβαιώνει τον αδελφό του Giacomo Megino ότι έχουν μοιράσει την πατρική περιουσία τους. Ο Nicola έχει λάβει την περιουσία που βρίσκεται στην Κρήτη, ενώ ο Giacomo την περιουσία που βρίσκεται στη Βενετία. Επιπλέον, ο Giacomo οφείλει να καταβάλει στον Nicola 200 κρητικά υπέρπυρα.

Die eodem. Manifestum facio ego suprascriptus Nicolaus Miegano cum meis heredibus tibi suprascripto Iacobo Miegano fratri meo et tuis heredibus quod in Dei et Christi nomine nos taliter devenimus in concordio de plena concordia et nostra comuni voluntate et divisimus omnia bona nostra mobilia et immobilia tam de Veneciis quam de insula Crete, videlicet quod omnes possessiones nostre, quas Veneciis habemus quocumque modo nobis pertinentes, devenerunt in te et pro parte tua cum condicione ut eas habemus et cum omnibus debitis suis de Veneciis. Et in partem meam devenerunt omnes nostre possessiones huius insule Crete, tam mobiles quam stabiles, millicias et villanos. Et debes michi dare et refundere yperpera in Creta currentia CC hinc ad duos annos proxime venturos, salva in terra, omni occasione remotta. Et si vendideris dictas pos¬sessiones de Veneciis ante dictum terminum, debeas michi dare et solvere dicta yperpera CC infra tres menses postquam receperis solucionem et precium ipsarum possessionum. Verumtamen ego teneor et debeo solvere omnia debita que invicem haberemus usque nunc facta in insula Crete, non intelligendo de debitis domorum de Veneciis que tu solvere debes. Quam divisionem factam inter nos ratam et firmam habebo et tenebo imperpetuum, nec contra ire presuspsero modo aliquo vel ingenio. Sub pena yperperorum C et in sua permaneat firmitate. Testes suprascripti. Complere et dare. Non.