Ο Nicola Venier παραχωρεί αιωνίως στον Γεώργιου Αύλιμου έκταση γης στο χωριό Ατσουπάδες με την υποχρέωση να καλλιεργήσει αμπέλια και δέντρα. Για τα πρώτα 7 χρόνια δεν θα καταβάλλει ενοίκιο, ενώ για το υπόλοιπο χρονικό διάστημα ως ετήσιο ενοίκιο ορίζεται το 1/3 της παραγωγής σε μούστο και καρπούς.

Die eodem. Manifestum facio ego Nicolaus Venerio habitator Candide quia do et concedo tibi Georgio Aulimo filio Theodori Aulimos de suo consensu habitatori in castro meo de le Açupadhe et tuis heredibus et proheredibus mensuram unam terre et dimidiam nomine Chirula de iure ipsius mee millicie de le Açupadhe, amodo videlicet in antea imperpetuum, cum plena virtute et potestate intromittendi, habendi, tenendi, possidendi, vendendi, dandi, donandi, donandi, alienandi cum suo onere et omnes alias tuas utilitates in ea et ex ea faciendi cum tuis heredibus imperpetuum, nemine tibi contradicente. Super quam terram debes vineam et arbores implantare sicut tibi bonum videbitur. Quam vineam et arbores debes omni anno per tempora congrua bene et convenienter aptare, çerpire, çapare, scafiçare, catavoliçare et eam lachiçare secundum ussum loci et in culmine tenere et conservare omnibus tuis expensis. Quam vineam et arbores debes habere et gaudere amodo usque ad annos VII prius venturos et inde in antea debes michi dare omni anno tempore vindemie super patiterium et tempore fructuum totam et integram terciam partem tocius musti et fructus ex dicta vinea et arboribus provenientem, aliis duabus partibus tibi retentis. Item do et concedo tibi tantum de mea terra ipsius loci quantam volueris pro vineis et arboribus faciendis, quam habere et tenere debeas cum tuis heredibus imperpetuum sicut suprascriptam mensuram I ÷. Sciendum est quod si veneris ad vendendum eas et ego voluero eam, vel aliquis alius de meo castro qui semper teneatur stare in dicto castro voluerit eam, debes eam michi dare si voluero eam vel sibi pro tanto quanto fuerit extimatum valere. Alioquin possis eas vendere cui volueris. Sub pena yperperorum XXV et in sua permaneat firmitate.Testes Antonius Staniario, Iohannes Osbregerio sartor et Nicolaus Donno et Nicolaus de Misina, complere et dare et Marinus Gisi. Solvit.