Ο Andrea Corner και ο Pietro Pizolo έλαβαν από το Giovanni Vido για λογαρισμό του Andrea 100 υπέρπυρα με προθεσμία εξόφλησης ένα χρόνο, αρχής γενομένης από τον ερχόμενο Μάιο.

Die eodem. Manifestum facimus nos Andreas Cornarius condam domini Marci Cornario et Petrus Piçolo notarius ambo habitatores Candide quia recepimus a te Iohanne Vido habitatore Candide yperpera C que nobis dedisti pro utilitate mei suprascripti Andree, que tibi dare debemus a primo die mensis maii proximi usque ad unum annum proximum cum tali prode vel dapno quali per racionem C yperperorum proiecerit habere stacionis Vicencii de Millitibus specialis de Candida hoc anno, ita quod lucrum non ascendat ultra yperpera XX pro C in anno. Tamen tuum suprascriptum habere debet esse in tuo tali periculo ignis et latronum et cetera. Ad tenendum te ad quem nostrum volueris. Hec autem et cetera. Testes Nicolaus de Misina, Hemanuel et Deodatus Agapito. Complere et dare. Non.