O Antonio Belli, ως πληρεξούσιιος του Felice Polino από τη Βενετία, βεβαιώνει τον Pietro Lion ότι παρέλαβε 2 λίβρες μείον μια ουγγιά χρυσάφι και 150 υπέρπυρα και 40 grossi που προέρχονται από πώληση χρυσού και άλλη εμπορική δραστηριότητα.

Die XIIII exeunte. Per virtutem et potestatem unius commissionis carte testate et roborate manu Nicolai Belli presbiteri ecclesie Sancti Blasii et notarii anno ab incarnacione domini nostri Ihesu Christi millesimo trecentesimo, mense aprilis, die XV exeunte, indicione terciadecima, Rivoalti, in qua committendo commisit Felix Paulini de confinio Sancti Moysi michi Antonio Belli habitatori Candide ut ex tunc in antea plenam et potestatem haberem in insula Crete pro ipso et eius nomine inquirendi, interpellandi, intromittendi, oponendi, placitandi, recipiendi, advocatorum interdicta et precepta tollendi, sentenciam petendi, audiendi et consequendi et si opus fuerit in anima sua iurandi sive excuciendi omne suum habere et cetera sua bona a cuctis suis debitoribus presentibus et futuris in dicta insula Crete vel apud quemcumque ea vel ex eis in Veneciis petere potero cum carta et sine carta, in curia et extra curiam et insuper petendi et recipiendi merces suas a quibuscumque personis ipsas habentibus et ipsas vendendi, alienandi et transactandi et denarios inde et undecumque habitos vestiendi et dissvestiendi sicut michi melius videbitur et securitatis cartas seu quicquid aliud inde opus fuerit faciendi et cetera, ut in ea plenius continetur et legitur, plenam et irrevocabilem securitatem facio ego suprascriptus Anto¬nius Belli procurator suprascripti Felicis Paulini tibi Petro Lion de confinio Sancti Iohannis Batiste de libris auri filati duabus minus unçia una et de yperperis in Creta currentibus CL et grossis XL, quorum yperpera CXXXIIII et grossi V fuerunt de suo auro filato quod vendidisti et reliqua XVI÷ fuerunt de denariis quos sibi debebas de alio viatico. Nunc autem et cetera. Testes Andreas Cavalario et Petrus Barbadico. Complere et dare. Solvit.