Ο Pietro da Mestre μισθώνει από τον Rugerio di Ruggiero έναν μύλο για δυο χρόνια, αρχής γενομένης από τον προσεχή Ιούνιο. Το ετήσιο ενοίκιο ορίζεται στα 48 υπέρπυρα και θα καταβάλλεται σε τρεις τετραμηνιαίες δόσεις.

Die penultimo. Manifestum facio ego Petrus da Mestre habitator in casali Agio Sila quia cum meis heredibus recepi ad affictum a te Ruçerio de Ruçerio habitatore Candide unum tuum molendinum de la Maurila aptum et preparatum in omnibus ad masinandum, quod habere et tenere debeo a primo die mensis iunii proximi in antea usque ad annos II prius ventures, cum plena virtute et potestate intromittendi, habendi, tenendi, possidendi, nemine sine tua licencia affictandi, set omnes alias meas utilitates in eo et ex eo faciendi usque ad complementum dicti termini, nemine tibi contradicente. Quod molendinum debeo ad omnes meas expensas in culmine tenere et conservare, ita quod bene masinet. Et pro affictu ipsius debeo tibi dare omni anno yperpera XLVIII, silicet omnibus quatuor mensibus terciam partem ipsorum, sub pena dupli pro quolibet termino. Completo vero termino suprascripto debeo tibi suprascriptum tuum molendinum aptum et preparatum in omnibus ad masinandum in culmine refutare, sub pena yperperorum XXV et in sua permaneat firmitate. Testes Iohannes Vido, Guilielmus Trivisano, Iohannes Baronci, Carpaçulo, Nicolaus Lambardo clericus et Nicolaus Alexii. Complere et dare. Non.