Ο Pietro Flabani παρέλαβε από τον Giovanni de Rainaldo 100 κατσίκες αξίας 33 και 1/3 υπερπύρων, για να τα εκτρέφει με δικά του εξοδα από τον προσεχή Αύγουστο και για 5 χρόνια. Το κέρδος που θα έχει ο Flabani από την εκμετάλλευση των ζώων θα αφαιρείται από το αρχικό κεφάλαιο του Rainaldo και μόνο όταν ο τελευταίος θα έχει εξοφληθεί γι’αυτό, το κέρδος που θα προκύπτει στο εξής θα το μοιράζονται κάθε 3 μήνες. Στο τέλος της συμφωνίας θα μοιραστούν μεταξύ τους τις κατσίκες.

Die eodem. Manifestum facio ego Petrus Flabani habitator Candide quia a te Iohanne de Raynaldo habitatore Candide pecudes gravidas C bonas et iuvenes magnas a lacte ad electam, que constiterunt yperpera XXXIII et tercium. Quas pecudes habere et tenere debeo et custodire facere ad omnes meas expensas a primo die mensis augusti proxime venturi usque ad annos V prius venturos. Tali quidem modo et ordine quod de fructu filiacionis ipsarum primitus debeo extrahere tuum suprascriptum capitale quod debemus tibi dare hic in Candida, omni occasione remotta. Et extracto tuo capitali et per te recepto, debeo tibi dare hic in Candida totam et integram medietatem tocius residui ipsius fructus et filiationis ipsarum, alia medietate michi retenta. Et debeo tibi facere racionem omnibus tribus mensibus de eo quod habebo de ipsis pecudibus et dare tibi totum illud quod tibi venerit. Completo vero termino suprascripto si tuum capitale fuerit extractum et ipsum receperis, debeo tibi dare totam et integram medietatem ipsarum pecudum et filiationis ipsarum, alia medietate michi retenta. Sciendum tamen est quod si non videbitur tibi quod ostendam sive faciam tibi bonam racionem, libertatem habeas ante complementum dicti termini quandocumque volueris accipere a me dictas pecudes, vel tuos denarios quos volueris et tuam medietatem de illo quod inde superaret. Que pecudes vel denarios quos volueris et tuam medietatem de illo quod superaverit debeo tibi dare, omni occasione remota, cum michi petieris. Tamen suprascripte pecudes debent esse ad tuum et meum periculum clarefactum. Hec omnia si non observavero modo et ordine suprascripto emendare debeam prout evenerit pro quolibet termino et inde in antea et cetera. Testes Iacobus Paradiso, Iacobus Bolani et Nicolaus de Molino. Complere et dare. Solvit.