Ο Guglielmo Trevisan εκμισθώνει στον Εμμανουήλ Γαβαλά τον βιλάνο του, Λέο Σαράντα, για τα επόμενα δέκα χρόνια, αρχής γενομένης τον προσεχή Αύγουστο. Ως ετήσιο ενοίκιο θα του καταβάλλει 5 υπέρπυρα, αν ωστόσο ο βιλάνος πεθάνει πριν λήξει το συμβόλαιο, δεν θα του καταβάλλει τίποτα.

Die V exeunte. Manifestum facio ego Guilielmus Trivisano habitator Candide quia cum meis heredibus do, concedo atque afficto tibi Hemanueli Gavala habitatori Candide unum meum villanum nomine Leo Saranda de iure mei feudi Sythee, qui nunc habitat in casali nomine Calandrea turme Millopotami, a kallendis mensis augusti proxime venturi in antea usque ad annos X prius venturos tantum pace in hac insula Crete, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi, dacia et raciones villanorum secundum ussum terre ab ipso accipiendi et omnes alias tuas utilitates in eo et ex eo faciendi usque ad complementum dicti termini, nemine tibi contradicente. Tu vero pro affictu ipsius debes michi dare in fine cuiuslibet anni yperpera V, sub pena dupli pro quolibet termino. Sciendum est quod si non receperis ab ipso omni anno dacia et raciones sua, completo ipso anno non possis ab ipso aliquid accipere de eo quod tibi remanserit de ipso anno preterito. Completo vero termino suprascripto debes michi suprascriptum meum villanum, si viverit, in Candida dare et presentare cum omnibus suis bonis. Et si dictus villanus obierit ante dictum terminum, debes michi dare bona sua et tunc michi non teneris de affictu. Sub pena yperperorum XXV et in sua permaneat firmitate. Testes Phylipus de Abano et Georgius Curion. Complere et dare. Non.