Τα αδέλφια Giovanni, Marco και Stefano Deso νοικιάζουν στον Giorgio Pasqualigo κατοικίες τους στον Χάνδακα, που τις είχε πριν ο Bartolomeo Celentino, για τα επόμενα 30 χρόνια. Ο Pasqualigo αναλαμβάνει να ανακαινίσει τις κατοικίες και να φτιάξει εξώστη. Το ετήσιο ενοίκιο ορίζεται στα 4 υπέρπυρα.

Die secundo. Manifestum facimus nos Iohannes, Marcus et Stephanus de Deso fratres omnes habitatores Candide quia cum nostris heredibus damus, concedimus et affictamus tibi Georgio Pasqualigo habitatori Candide totam illam nostram partem nostrarum domorum positarum hic in civitate Candide, que olim habebat Bartholomeus Celentino amodo videlicet in antea usque ad annos XXX prius venturos cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Tu vero teneris dictas domos silicet partem nostram redificare de lapidibus et pillo savronatis et foliatis de calce et eas levare in solario et facere solarium de medio de tabulis in coopertura superiori, de canis breganigis et eas intravare de bonis mesodochis et dotare et eas in culmine tenere et conservare omnibus tuis expensis usque ad complementum dicti termini, nemine tibi contradicente. Et pro affictu ipsius debes nobis dare omni anno yperpera IIII salva in terra, sub pena dupli. Completo vero termino suprascripto debes eas nobis in culmine refutare. Sub pena yperperorum L et in sua permaneat firmitate. Testes Andreas Simeon et Marinus Ystrego. Complere et dare. Non.