Ο Marco Todaldo απελευθερώνει τον σκλάβο του Constantino de Lango.

Die VII intrante. Manifestum facio ego Marcus Todaldo calegarius habitator in burgo Candide cum meis heredibus tibi Constantino de Lango sclavo meo ac notum vollo fieri universis presentem paginam inspecturis quia ob Dei reverenciam et amorem ac pro meorum remissione pecaminum considerans esse opus maxime pietatis servos et sclavos a servitute perpetua liberare, facio te liberum atque francum ab omni vinculo servitutis quo michi hactenus subiacuisti vel amodo subiacere debebas, ita quod amodo in antea liber stes, habites et ambules iuxta beneplacitum tuum, nec alicui liceat te ampplius subiecionis vinculo subiugare. Qua propter defensioni sancte matris ecclesie te commendo. Quicquid autem tuo labore acquisisti vel amodo acquires, in tua et tuorum heredum utilitate et potestate permaneat. Sub pena consueta et contractu firmo, observante te michi quod superius dictum est. Testes Andreas Simeon, Hemanuel Venetando et Marinus Ystrego.