O Pietro Lion, πληρεξούσιος του Guglielmo Salato, έλαβε από τον Lorenzo de Bodacia da Ragusa το υπόλοιπο χρέος ύψους 12 υπέρπυρων από το δάνειο που ο τελευταίος είχε λάβει άτοκα από τον Guglielmo.

Die VIII intrante. Per virtutem et potestatem unius commissionis carte testate et roborate manu Emanuelis de Ysalinis notarii, facte anno ab incarnacione domini nostri Ihesu Christi millesimo trecentesimo primo, mense madii, die tercio decimo intrante, indicione XIIIIa, Candide insula Crete, per quam committendo commissit Guillelmus Salato de Maiolica michi Petro Lion habitatori Veneciis in confinio Sancti Iohannis Bragola ut ex tunc in antea pro ipso et eius nomine plenissimam virtutem et potestatem haberem inquirendi, interpellandi, placitandi, respondendi, legem et sententiam petendi, audiendi, intromittendi et excuciendi yperpera in Creta curentia XII a Laurencio de Bodachia de Ragusia, que sunt residuum de libris duodecim denariorum venecialium grossorum quas sibi prestitit et securitatis cartam et iuramentum in anima sua ac quicquid opus fuerit faciendi sicut ipsemet presens facere posset et deberet et cetera ut in ea plenius continetur et legitur. Plenam et irrevocabilem securitatem facio ego suprascriptus Petrus Lion procurator suprascripti Guillelmi Salato cum heredibus ipsius Guillelmi tibi Laurencio de Bodachia de Ragusio et tuis heredibus de suprascriptis yperperis XII que tu remansisti ad dandum suprascripto Guillelmo Salato de predictis XII libris grossorum que tibi prestitit causa amoris prout continetur et legitur in una manifestacionis carta testata et roborata manu mei Petri Piçoli notarii, facta anno ab incarnacione domini nostri Ihesu Christi millesimo ducentesimo nonagesimo sexto, mense februari, die XIII exeunte, indicione Xa, Candide insula Crete, quam tu suprascripte Laurencii fieri fecisti suprascripto Guillelmo Salato de predictis XII libris grossorum que tibi prestitit causa amoris. Nunc autem et cetera. Sub pena consueta et contractu firmo. Testes Gratia Granela et Andreas Simeon.