Ο Giovanni Corner νοικιάζει στον εβραίο Helingiago, γιο του ποτέ Μωυσή Λαγού, έκταση γης στην εβραϊκή συνοικία του Χάνδακα, δίπλα στα τείχη της πόλης, για να κατασκευάσει μια κατοικία, όπου θα διαμένει για τα επόμενα 29 χρόνια. Το ετήσιο ενοίκιο ορίζεται στα 2 υπέρπυρα.

Die XVI intrante. Manifestum facio ego Ionannes Cornarius filius quondam Iacobi Cornario habitator Candide quia cum meis heredibus do, concedo atque afficto tibi Helingiagho iudeo filio quondam Moysis Lagu iudei habitatori Candide et tuis heredibus tantum de mea terra posita in campo Iudee huius civitatis, que est iuxta domum Moysis iudei filii quondam Helie iudei iuxta murum civitatis, que habet per longitudinem passus III et per latitudinem passus III amodo videlicet in antea usque ad annos XXVIIII prius venturos cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ea faciendi usque ad complementum dicti termini, nemine tibi contradicente. Que debeo tibi defendere a qualibet persona et signoria que de ipsa te molestare voluerit. Tu vero teneris domum construere et hedificare supra ipsam terram ad tuam utilitatem sicut tibi bonum videbitur et licitum est tibi laborare supra dictum murum civitatis tantum quantum est dicta terra pro ipsa domo facienda. Et pro affictu ipsius domus debemus michi dare in fine cuiuslibet anni yperpera II sub pena dupli pro quolibet termino. Completo vero termino suprascripto debes michi dictam domum in culmine refutare absque periculo teremoti. Sub pena yperperorum XXV et in sua permaneat firmitate. Testes Franciscus de Molino, Ρ Cauco Fusci, Peraço Gradonico et Andreas Dandulo. Complere et dare. Non.