Ο Giovanni Corner παραχωρεί σε γονικό στον Giovanni, γιο του ιερέα Γεώργιο από τις Πατσίδες έναν κήπο, παρακείμενη έκταση γης και ένα "σώχωρο" στο χωριό Πατσίδες με την υποχρέωση να φυτέψει δέντρα και αμπέλια. Ως ετήσιο ενοίκιο θα του καταβάλει το μισό της παραγωγής των ήδη υπαρχόντων δέντρων, ενώ από αυτά που θα φυτέψει ο ίδιος θα του δίνει το 1/3 της παραγωγής.

Die eodem. Manifestum facio ego Iohannes Cornarius filius quondam domini Iacobi Cornario habitator Candide quia do et in perpetuum concedo tibi Iohanni filio diviso a papate Georgio da Le Spacidhe habitatori in dicto casali Spacidhe I meum çardinum positum in dicto casali Spacidhe cum tota terra vacua que est iuxta dictum çardinum et meum soghorum quod est iuxta casale, amodo videlicet in antea in perpetuum pro tuo ghonico cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in eis et ex eis faciendi usque in perpetuum cum tuis heredibus et proheredibus, nemine tibi contradicente. Tu vero teneris in dicto çardino et in dicta terra et seghero vitas et arbores implantare sicut tibi bonum videbitur. Et pro affictu ipsius çardini, terra et seghero debes michi dare omni anno tempore fructum de omnibus arboribus que ad presens sunt in dicto çardino totam et integram medietatem, aliam medietatem tibi retentam. Et de omnibus arboribus et vitis que tu de cetero implantaveris debes michi dare terciam partem, aliis duabus partibus tibi retentis, sub pena dupli pro quolibet termino. Teneris itaque dictum çardinum et illud quod implantaveris inculmine tenere et conservare tuis expensis sub pena yperperorum XXV et in sua permaneat firmitate. Et tu teneris michi predicta omnia observare sub illa pena qua tibi teneor. Testes Iohannes Permarinus et Nicolaus Piçolo. Complere et dare. Solvit.