O Βασίλης Πλουτινός, βιλάνος του Αλέξιου Καλλέργη, βεβαιώνει τον γαμπρό του Giorgio Falcon ότι έλαβε πίσω την προίκα της μακαρίτισσας κόρης του Πόθας και έχει εξοφληθεί.

Die XI intrante. Plenam et irrevocabilem securitatem facio ego Vaxili Plutino vilanus domini Alexii Calergi habitator in casali Sancti Georgii cum meis heredibus tibi Georgio Falcon habitatori in castro Agio Miro et tuis heredibus de tota illa repromissa magna vel parva quam tibi dedi pro repromissa Podhe quondam uxoris tue, filie mee, tempore vestre desponsationis. Que Podha obuit intestata sine herede. Nunc autem quia tu de ipsa repromissa me tamquam successorem bonorum suprascripte filie mee me bene et perfecte appacasti et deliberasti, amodo igitur in antea te securum reddo in perpetuum et cetera. Sub pena consueta et contractu firmo. Testes Andreas Simeon et Marinus Ystrego. Complere et dare. Solvit.