Ο Giovanni Dondi, φυσικό τέκνο του Tommaso Dondi, νοικιάζει στον διάκονο Μιχαήλ Αρμένη 2 κατοικίες του στον βούργο του Χάνδακα, πλησίον της εκκλησίας των Αγίων Ασωμάτων, για τα επόμενα 12 χρόνια. Καταβλήθηκε συνολικό ενοίκιο ύψους 12 υπερπύρων.

Die XIIII intrante. Manifestum facio ego Iohannes Dondi filius naturalis quondam Thome Dondi habitator in castro Macrena quia cum meis heredibus do, concedo atque affìcto tibi Michaeli Armini diacono habitatori in burgo Candide II meas domos positas in burgo Candide iuxta ecclesiam Asemati, amodo videlicet in antea usque ad annos XII prius venturos, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi, in eis habitandi et omnes alias tuas utilitates in eis et ex eis faciendi usque ad complementum dicti termini, nemine tibi contradicente. Quas domos teneris ad omnes tuas expensas inculmine et conservare et aptare facere quandocumque necesse fuerit et in culmine tenere et conservare. Et pro affictu ipsarum domorum tocius suprascripti termini secundum pactum inter nos habitum michi dedisti et persolvisti yperpera XII de quibus te securum reddo in perpetuum et cetera. Sub pena yperperorum X et in sua permaneat firmitate. Testes Marcilinus Cornarius et Dominicus Marangon. Complere et dare. Solvit.