Ο Antonio Zenese νοικιάζει από τον Giovanni da Porto και τον Giovanni Dragogna δυο κήπους στο χωριό Μακρυτείχος για 13 χρόνια. Αναλαμβάνει να φροντίζει τους κήπους, να φυτέψει 100 οπωροφόρα δέντρα και να μεριμνήσει για την ύδρευση τους. Το ενοίκιο ορίζεται στα 69 ½ υπέρπυρα, ποσό που θα καταβάλλεται σε δυο δόσεις τον Αύγουστο και τον Οκτώβριο, καθώς και σε 16 λεμόνια.

Die XIIII exeunte. Manifestum facio ego Antonius Çenese habitator in casali Macrendigho quia recipio ad affictum a vobis Iohanne de Porto habitatore Candide et Iohanne Dragogna habitatore in dicto casali Macrendigho duo vestra çardina posita in dicto casali Macrendhigo silicet illam que habebam et tenebam a kallendis mensis novembris proxime venturi in antea usque ad annos XIII prius venturos cum plena virtute et potestate intromittendi, habendi, tenendi, possidendi, nemini sine vestra licencia affictandi, set omnes alias meas utilitates in eis et ex eis faciendi usque ad complementum totius suprascripti termini, nemine michi contradicente. Que çardina debeo omni anno per tempora congrua bene et convenienter aptare silicet arbores et pergulas carpire, çapare, scafiçare et catavoliçare et eas crescere et multiplicare et inculmine tenere et conservare omnibus meis expensis. In quibus çardinis teneor implantare pedes arborum fructiferorum C silicet medietatem in primo anno et aliam medietatem quandocumque michi bonum videbitur. Ego vero debeo habere aquam ad aquandum dicta çardina secundum consuetudinem aliorum çardinorum ipsius loci. Et pro afficto ipsorum çardinorum debeo vobis dare omni anno yperpera LXVIIII ÷ silicet medietatem per totum quemlibet mensem augusti et aliam medietatem in kallendis cuiuslibet mensis octubris et debeo vobis dare omni anno XVI citrones quos elligere volueritis de meis, sub pena dupli pro quolibet termino. De quo affictu debeo solvere tibi suprascripto Iohanni de Porto yperpera XLVIII et reliqua yperpera XXI ÷ tibi suprascripto Iohanni Dragogna et de suprascriptis citronibus debeo vobis dare cuilibet medietatem. Item libertatem habeatis implantare unam arborem limonorum in dictis çardinis ad vestram utilitatem. Completo vero termino suprascripto debeo vobis dicta çardina inculmine refutare sub pena yperperorum XXV et in sua permaneat firmitate. Et vos tenemini predicta omnia observare sub illa pena qua vobis teneor. Testes Andreas Simeon et Hemanuel Venetando. Complere et dare. Et Iohannes Leocari. Solvit.