Ο Pietro da Vigonza, γιος του ποτέ Giacomo, νοικιάζει από τον Giacomo Conforti 50 πρόβατα μέχρι τον προσεχή Αύγουστο. Το ενοίκιο ορίστηκε στα 7 ½ υπέρπυρα και θα καταβληθεί μέχρι τον προσεχή Ιούνιο.

Die XIII exeunte. Manifestum facio ego Petrus de Vigonça filius quondam Iacobi de Vigonça habitator Candide quia recepi a te Iacobo Conforti habitatore Candide pecudes L bonas et iuvenes alacres ad electam, quas habere et tenere debeam nomine affictus amodo usque per totum mensem augusti proximum ad omnes meas expensas. Et pro affictu ipsarum debeo tibi dare per totum mensem iunii proximum yperpera VII ÷ et in capite termini suprascripti vel antea debeo tibi dare in casali Gidhocha tuas suprascriptas pecudes bonas et iuvenes, alacres ad eletam ad tuum libitum. Hec omnia sub pena dupli pro quolibet termino. Tamen tue suprascripte pecudes debent esse ad tuum periculum exercitum rebellium. Testes A Cauco et Nicolaus de Misina. Complere et dare.