Ο Nicola Basilio, αδελφός και πληρεξούσιος της Caterina Basilio, μοναχής στο μοναστήρι του San Lorenzo, βεβαιώνει τους εκτελεστές της διαθήκης της Tommasina della Dolce, συζύγου του ποτέ Pietro della Dolce και αδελφής της Caterina ότι έλαβε όσα προβλέπονταν στην διαθήκη της.

Die XII exeunte. Per virtutem et potestatem unius commissionis carte testate et roborate manu Leonardi ecclesie Sancti Severi presbiteri et notarii, facte hoc eodem anno, mense setembris, die XI intrante, indicione suprascripta, Rivoalti, in qua committendo commissit Katerina Basilio monacha monasterii Sancti Laurencii de consensu domne sue abatisse michi Nicolao Basilio fratri suo dicto Sclavo ut ex tunc in antea pro ipsa et suo nomine plenam virtutem et potestatem habeam inquirendi, interpellandi, placitandi, respondendi, advocatus interdicta et precepta tollendi, legem petendi, sentenciam audiendi et prosequendi, interdicendi, intromittendi atque excuciendi omnes suas dimissorias sibi dimissas a commissariis vel aliis personis commissis Thomasine de La Dolce sororis sua quas sibi dimissit ubicumque et apud quemeumque ea vel de eis bonis dicte Thomasine invenire potero cum carta et sine carta, per curiam et extra curiam, et si opus fuerit in anima sua iurandi et securitatis cartas et quicquid aliud inde opus fuerit faciendi et cetera ut in ea legitur. Plenam et irrevocabilem securitatem facio ego suprascriptus Nicolaus frater et procurator suprascripte Katerine vobis omnibus commissariis suprascripte Thomasine uxoris quondam Petri de La Dolce de tota illa dimissoria magna vel parva quam suprascripta Thomasina dicte Katerine sorori sue ad obitum suum per sui testamenti cartam dimissit. Nunc autem et cetera. Sub pena consueta et contractu firmo. Testes Iacobus Pantaleo et Iohannes Lambardo. Complere et dare. Solvit.