Ο Αντώνιος Ψυρούκης νοικιάζει στον παπά Ιωάννη Λαγκαδικό έκταση γης στο Αρμενοχωριό, η οποία βρίσκεται πίσω από την εκκλησία της Παναγίας Περίβλεπτου και δίπλα στο σπίτι του Moseardi, για το ίδιο διάστημα που το έχει νοικιάσει και ο ίδιος από το δημόσιο μαζί με τον Nicola Sisini. Ο παπάς αναλαμβάνει την υποχρέωση να χτίσει με δικά του έξοδα μια κατοικία. Το ετήσιο ενοίκιο ορίζεται στα 10 grossi.

Die eodem. Manifestum facio ego Antonius Psiruchi habitator Candide quia cum meis heredibus do, concedo atque affictu tibi papati Iohanni Langadicho habitatori Candide tantum de unam peciam terre mee partis casalis Armeno Chorio quod habeo ad affictum a communi Crete simul cum Nicola Sisini, que est retro ecclesia Sancte Marie Perivolto iuxta domum Moseardi que habet per sua longitudine passus V et per suam latitudinem passus III ÷, quam habere et tenere debeas a kallendis huius presentis mensis in antea usque per totum tempus quod ipsam partem meam ipsius casalis habere et tenere debeo et ad renovandum tibi cartam sicut renovabitur michi a communi, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Tu vero teneris domum hedificare super ipsam terram et construere sicut tibi bonum videbitur et eam inculmine tenere et conservare omnibus tuis expensis. Et pro affictu ipsius debes michi dare omni anno in principio cuiuslibet anni grossos X salvos in terra, sub pena dupli pro quolibet termino et cetera. Sub pena consueta et contractu firmo. Testes Nicolaus Piçolo notarius et Bertucius Montechi. Complere et dare. Solvit.