Η Petrizola, χήρα του Albertino Murario και μοναδική κηδεμόνας των παιδιών του, μετά και τον θάνατο του δεύτερου κηδεμόνα, Alberto Murario, βεβαιώνει ότι έλαβε από την Marchesina, χήρα και εκτελέστρια της διαθήκης του Giovanni de Litore, ο οποίος ήταν εκτελεστής της διαθήκης του Alberto Murario, όσα κρατούσε και αφορούσαν τα τέκνα της.

Die eodem. Per virtutem et potestatem unius carte tutorie testate et roborate manu Benevenuti notarii de Brexano notarii, facte anno ab incarnatione domini nostri Ihesu Christi millesimo trecentesimo, mense augusti, die tercio intrante, indicione terciadecima, Candide insula Crete, per quam magnificus dominus Vitalis Michaelis ducha Crete ex iudicio suorum iudicum et sua confirmatione constituit Albertum Murarium quondam fratrem et Petriçolam relictam Albertini Murario ambos habitatores Candide tutorum heredum pupilorum suprascripti Albertini Murarii, dans eis inter cetera, donec dicti pupili pervenerint ad etatem legittimam, plenam virtutem et potestatem inquirendi, interpellandi, placitandi, respondendi, intromittendi, interdicendi, precepta advocatos tollendi, petendi et excuciendi omnia bona et habere mobilia et immobilia atque res omnes et raciones que fuerint vel esse potuerint suprascripti Albertini Murarii defuncti, patris predictorum pupilorum, seu ad eos quolibet modo vel formam spectancia et spectantes ab omnibus personis que habuerint et intromisserint bona ipsius Albertini ante obitum, ad obitum et post obitum eius cum carta et sine carta, per curiam et extra curiam et securitatis cartas et quicquid aliud inde opus fuerit faciendi et complendi sicut ipsi pupili facere possent et deberent si legittimam etatem haberent et cetera ut in ea plenius continetur et legitur. Plenam et irrevocabilem securitatem facio ego suprascripta Pericola relicta et sola tutris remansa heredum pupilorum suprascripti Albertini Murarii, quia suprascriptus Albertus alius tutor est viam universe carnis ingresus, cum meis successoribus tibi Markesine relicte et sole commissarie Iohannis de Litore commissarii quondam suprascripti Alberti Murarii contutoris suprascriptorum heredum pupilorum suprascripti Albertini et tuis successoribus de toto illo quod suprascriptus Iohannes de Litore quondam vir tuus et commissarius suprascripti Alberti Murarii habuit et intromissit et tenuit de bonis et rebus suprascripte tutorie post obitum ipsius Alberti tam de denariis quam de omnibus aliis rebus. Nunc autem quia tu hiis omnibus et per omnia me bene et perfecte appacasti et deliberasti, amodo igitur in antea te securum reddo in perpetuum et cetera. Testes Benvenutus notarius et Andreas Simeon. Complere et dare. Solvit.