Η Petrizola, χήρα του Albertino Murario και μοναδική κηδεμόνας των παιδιών του, νοικιάζει στην Maria, χήρα του Alberto Murario, τα σπίτια που ο μακαρίτης σύζυγός της είχε κτίσει σε γη που είχε νοικιάσει από το μοναστήρι της Αγίας Αικατερίνης στον Χάνδακα για 29 χρόνια, για το ίδιο χρονικό διάστημα. Η Maria αναλαμβάνει να επισκευάσει τα σπίτια και να δίνει απευθείας στο μοναστήρι, εξ ονόματος της Petrizola, το ετήσιο ενοίκιο ύψους 1 ½ υπερπύρου την ημέρα της γιορτής της Αγίας Αικατερίνης.

Die secundo. Per virtutem et potestatem unius tutorie carte testate et roborate manu Benevenuti de Brexano notarii, facte anno ab incarnatione domini nostri Ihesu Cristi millesimo trecentesimo, mense augusti, die tercio intrante indicione terciadecima, Candide insula Crete, per quam magnificus dominus Vitalis Michael ducha Crete ex iudicio suorum iudicum et sua confìrmatione constituit Albertum Murarium quondam fratrem et Petriçolam relictam Albertini Murarii ambos habitatores Candide tutores heredum pupilorum quondam suprascripti Albertini Murarii, dans eis inter cetera donec dicti pupili pervenerint ad etatem legittima plenam virtutem et potestatem inquirendi, interpellandi, placitandi, respondendi, intromittendi, interdicendicendi, precepta advocatum tollendi, petendi et excuciendi omnia bona et habere mobilia et inmobilia atque res et omnes raciones que fuerunt, sunt vel esse potuerint suprascripti Albertini Murarii defuncti, patris predictorum pupilorum, seu ad eos quolibet michi vel formam spectancia et spectantes ab omnibus personis que habuerunt, intromisserunt bona ipsius Albertini ante obitum et ad obitum et post obitum eius cum carta et sine carta, per curiam et extra curiam et securitatis cartam et quiequid aliud inde opus fuerit faciendi et complendi sicut ipsi pupili si essent ad etatem legittimam fecere possent et deberent et cetera, ut in ea plenius continetur et legitur. Manifestum facio ego suprascripta Petriçola relicta et sola tutris remansa heredum pupilorum suprascripti Albertini Murarii, quia alius tutor viam est universe carnis ingressus, quia cum meis successoribus do, concedo atque afficto tibi Marie relicte Alberti Murarii habitatrici Candide illas domos diruptas quas suprascriptus Albertinus Murario quondam fecit et hedificavit super quandam petiam terre positam hic in civitate Candide que est de iure monasterii monialium Sancte Katerine de Candida prout continetur et legitur in una manifestacionis, concessionis et affictacionis carta testata et roborata mani Crescencii Alexandrini notarii, facta anno ab incarnacione domini nostri Ihesu Christi millesimo ducentesimo nonagesimo quarto, mense marcii, die quarto exeunte, indicione septima, Candide insula Crete, per quam soror Markesina Bono priorissa suprascripti monasterii Sancte Katerine de voluntate et consesu aliarum monialium dicti monasterii dedit, concessit et affictavit suprascriptam peciam terre suprascripto Albertino viro meo a primo die mensis aprilis tunc prius venturi usque ad annos XXVIIII tunc prius venturos et cetera ut in ea plenius continetur et legitur. Quam terram habere et tenere debeas amodo usque ad complementum termini suprascriptorum XXVIIII annorum cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Tu vero teneris dictas domos de lapidibus et pillo refacere et complere. Et pro affictu ipsius terre debes solvere omni anno nomine meo suprascripto monasterio vel eorum misso usque ad complementum dictorum XXVIIII annorum yperpera I ÷ in quolibet festo Sancte Katerine annuatim sub pena dupli pro quolibet termino. Et completo vero termino predictorum XXVIIII annorum dictam domum debes dicto monasterio inculmine refutare, sub pena auri libras quinque et in sua permaneat firmitate. Testes Franciscus Grimaldi et Marinus Ystrego. Complere et dare.