Ο Giovanni de Porto νοικιάζει στον Giovanni Doto και στον Κώστα Dandolo το αμπέλι που είχε ο παπάς Αντρέας, για τα επόμενα 10 χρόνια. Ως ετήσιο ενοίκιο θα του καταβάλουν τα 3/5 της παραγωγής σε μούστο και καρπό καθώς και 2 κότες και 40 αυγά.

Die eodem. Manifestum facio ego Iohannes de Porto habitator Candide quia cum meis heredibus do, concedo atque afficto vobis Iohanni Doto piscatori habitatori Candide et Coste Dandulo habitatori in casali Macrendigho et vestris heredibus illam peciam vinee de iure mee vinee de L'Armeno silicet illam quam habebat et tenebat papas Andreas, amodo videlicet in antea usque ad annos X prius venturos, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias vestras utilitates in ea et ex ea faciendi usque ad complementum dicti termini, nemine vobis contradicente. Quam vineam debetis omni anno per tempora congrua bene et convenienter aptare, çerpire, çapare et ponere omni anno catavolatas CC, scafiçare, catavoliçare et eam lachiçare omni quarto anno incipiendo in secundo anno de predictis X lachiçare et eam inculmine tenere cum suis trafìs et patiterio et conservare omnibus vestris expensis, Et pro affictu ipsius debetis michi dare omni anno tempore vindemie super patiterio de toto mustu et fructus ex dicta vinea provenientes de omnibus quinque partibus tres partes, aliis duabus partibus vobis retentis. Sub pena dupli pro quolibet termino. Completo vero termino suprascripto debetis eam michi inculmine refutare. Sub pena yperperorum XXV et in sua permaneat fìrmitate. Et tempore vindemie duas galinas et ova XL sub pena dupli et cetera. Testes suprascripti. Complere et dare. Non.