Ο Nicola Dandolo νοικιάζει στον Ιωάννη Σισινόπουλο έκταση γης, ονομαζόμενη Ρωμαιόπουλο, που ανήκει στην μικρότερη αδελφή του, μέχρι τον επόμενο Αύγουστο, για όσο διαρκεί η ειρήνη μεταξύ Λατίνων και Ελλήνων στο νησί. Το ετήσιο ενοίκιο ορίζεται στα 100 μουζούρια σιτάρι.

Die eodem. Manifestum facio ego Nicolaus Dandulo habitator Candide quia cum meis heredibus do, concedo atque afficto tibi Iohanni Sisinopulo habitatori in burgo Candide et tuis heredibus totam illam terram de nomine Remeopulo que est de iure millitie de lo Dolese minoris sororis mee, quam habeo ad affictum ab ipsa, amodo videlicet in antea usque per totum mensem augusti proxime venturum et inde in antea donec durabit hec presens pax inter Latinos et Grecos huius insule, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ex ea faciendi donec dicta presens pax durabit, nemine tibi contradicente. Verum quod debes hoc anno facere tuas calurgias. Et pro affictu ipsius debes michi dare omni anno tempore mensionis mensuras boni frumenti cretensis C, conductas hic in Candida ad domum meam tuis expensis salvas in terra. Sub pena dupli pro quolibet termino. Sciendum est quod si voluero laborare cum uno pario bovum insimul tecum dictam terram teneris recipere dictum meum parium bovum et habere in societate cum tuo pario, solvendo tu solomodo medietatem suprascripti affictus. Sub pena yperperorum X et in sua permaneat firmitate. Testes Andreas Simeon et Marcus Darpo. Complere et dare. Solvit.