Ο Nicola Barbarigo, εξάδελφος και πλέον μοναδικός εκτελεστής της διαθήκης του Andrea Barbarigo, νοικιάζει στον Nicola Donno ένα αμπέλι στο Χαρονήσι, το οποίο καλλιεργούσε ο παπάς Νικόλαος από το Σίλαμο, για τα επόμενα 10 χρόνια. Επιπλέον, του νοικιάζει και ένα δεύτερο αμπέλι, το οποίο είχε ο Ξένος Γαβαλάς, για το ίδιο χρονικό διάστημα. Το ετήσιο ενοίκιο ορίζεται στο μισό της παραγωγής σε μούστο και καρπό.

Die eodem. Per virtutem et potestatem unius testamenti carte testate et roborate manu mei infrascripti notarii, facte anno ab incarnatione domini nostri Ihesu Christi millesimo CCC secundo, mense iunii, die octavo exeunte, indicione XVa, Candide insula Crete, in quo Andreas Barbadico filius quondam Grisovani Barbadico habitator Candide constituit suos fideicommissarios Mariam dilectam uxorem suam et Nicolaum Barbadico consangineum suum, habitatores Candide, ut secundum quod ipse ordinaverit sicut ipsi post suum adimplerent obitum, dans eis inter cetera plenissimam virtutem et potestatem post mortem suam inquirendi, interpellandi, placitandi, recipiendi, advocati precepta et interdicta tollendi, legem et sentenciam petendi, audiendi et prosequendi, intromittendi, accipiendi et excuciendi omnia sua bona et habere quocumque modo sibi pertinent ubicumque et apud quemcumque seu quoscumque ea vel ex eis invenire poterint cum carta et sine carta, in curia et extra curia et omnia sua debita clarefacta seu dimissoria et alia que per eum ordinata essent complendi et persolvendi commissionem unam et plures et securitatis cartas et omnes alias oportunas cartas seu quicquid aliud inde opus fuerit faciendi. Et si expedient, in anima sua yurandi sicut ipse vivens facere posset et deberet et cetera ut in eo plenius continetur et legitur et cetera. Manifestum facio ego suprascriptus Nicolaus Barbadico quondam consangineus et remansus solus commissarius suprascripti Andree Barbadico, quia suprascripta uxor sua viam est universe carnis ingressa, quia cum meis successoribus do, concedo atque afficto tibi Nicolao Donno filio naturali Vaxili Donno habitatori in casali Silamo et tuis heredibus illam peciam vinee de Lo Gharenissi suprascripti Andree Barbadico, quam habebat et tenebat papas Georgius de Lo Silamo, amodo usque ad annos X prius venturos, cum plena virtute et potestate intromittandi, habendi, tenendi, possidendi, nemini sine mea licencia affictandi, set omnes alias tuas utiiitates in ea et ex ea faciendi usque ad complementum dicti termini, nemine tibi contradicente. Tu vero debes dictam vineam omni anno per tempora congrua bene et convenienter aptare, çerpire, çapare, scafiçare et ponere omni anno catavolatas C et eam bis in hiis duobus annis lachiçare et eam cum suis trafis et fosatis in culmine tenere et conservare. Et pro affictu ipsius vinee debes michi dare omni anno tempore vindemie super patiterio totam et integram medietatem tocius musti et fructus ex dicta vinea provenientem, alia medietate tibi retenta, sub pena dupli pro quolibet termino. Insuper autem tibi do, concedo atque afficto opera IIII de vinea de illa quam laborat Xeno Gavala dicti loci postquam compleverit terminus suus usque ad complementum dictorum X annorum cum condicione et pacto suprascripte pecie vinee. Completo suprascripto termino debes michi suprascriptam vineam inculmine refutare. Sub pena yperperorum XXV et in sua permaneat firmitate. Testes testes Thomas Granela et Andreas Simeon. Complere et dare. Non.