Τα αδέλφια Giovanni και Pietro Zampani παραχωρούν στον Cremaschino da Crema την άδεια να γκρεμίσει τοίχο ανάμεσα στις ιδιοκτησίες τους στον Χάνδακα. Στη θέση του ο Cremaschino θα κτίσει νέο με δικά του έξοδα, ο οποίος θα είναι κοινός για όλους και θα έχει δυο παράθυρα. Καθορίζονται οι υποχρεώσεις των δύο πλευρών σχετικά με μελλοντικές εργασίες.

Die tercio exeunte. Manifestum facimus nos Iohannes Çapani et Petrus Çapani fratres ambo habitatores Candide tibi Cremaschino de Crema habitatori Candide suprascripte quod liberam potestatem damus et concedimus tibi pro strahere illum nostrum murum qui confinat cum tua terra tue burgesie, que confinat cum dicto nostro muro et omnes lapides quos invenies in dicto muro tu debes proici facere in latere nostro. Qui lapides debent esse nostri et pro stracto ipso muro quantum tibi videbitur, tu debes ipsum murum laborare ad omnes tuas expensas de lapidibus et calce et tantum altum quantum volueris. Qui murus debet esse communis inter nos et ad omnem tuam utilitatem et nostram cum ista condicione quod tu debes nobis dimittere in medietate dicti muri duas fenestras a pede I ÷ usque ad pedes II. Que fenestre debent fieri fenestre ferate tantum subtus travadhuram quantum fieri poterint. Item vero si tu non laboraveris in solario et nos postmodum laborabimus in solario et levabimus ipsum murum in solario et postea si volueris super ipsum murum laborare, debes nobis refacere et restituere expensas quas faciemus in dicto muro de solario remanere ipso muro ad tuam et nostram utilitatem ut superius dictum est, dando nobis alias duas similes fenestras pro nostra luce. Sub pena yperperorum L et in sua permaneat firmitate. Testes Ρ Cauco Carpaçali et Marcus Baroçi. Complere et dare.