Δύο επιστολές (1239) του πάπα Γρηγόριου 9ου προς τους φεουδάρχες Κρήτης: η πρώτη προς τον επίσκοπο Ιεράπετρας και η δεύτερη σχετικά με την ανέγερση ναού προς τιμήν του Ευαγγελιστή Μάρκου στον Χάνδακα. (Αντίγραφα του 1255 στην Κρήτη.)

Gregorius episcopus, servus servorum Dei, dillectis filiis, militibus cretensibus, salutem et apostolicam benedictionem. Cum, sicut ex parte nobilis viri, domini ducis Veneciarum, et vestra nobis extitit intimatum, vos quandam ecclesiam in fundo proprio ad honorem Dei et beati Marci evangeliste in civitate, que dicitur Candida, sita in insula Cretensi, construere intendatis, et fundum ipsum Romane Ecclesie duxeritis offerendum: Nos, ipsius nobilis et vestris precibus inclinati, locum ipsum in ius et proprietatem Apostolice Sedis recipimus, et dictam ecclesiam ad Romanam Ecclesiam perpetuis temporibus decernimus pertinere. Ad indicium autem huius modi percepte a Sede Apostolica libertatis eadem ecclesiam censum unius yperperi camere nostre in festo dicti Evangeliste singulis annis exolvet. Nulli ergo omnino hominum liceat hanc paginam nostre asumptionis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum. Data Laterano III, Non. iulii, pontificatus nostri anno tercio decimo. Ego Iacobus, Sanctorum Apostolorum presbiter et notarius, hoc exemplarium, sumptum ex autentico domini Gregorii pape, eius bulla cum filo serico roborata, scripsi et exemplavi; et de mandato pariter et auctoritate dominorum Angeli, divina miseratione archiepiscopi, et egregii domini Angeli Maureceni, ducis cretensis, et comitis Arbensis et sui consellii, ab eis rogatus, in puplicam formam redegi, nichil addens uel minuens, quod sentenciam mutet. Anno Domini MCC quinquagessimo quinto, mense aprilis, indictione tercia decima.