Παρατείνεται η προθεσμία αναχώρησης των εκλεγμένων συμβούλων Κρήτης, Marino Viglione και Giacomo Gradenigo, για ανάληψη υπηρεσίας μέχρι τα μέσα του προσεχούς Απριλίου

Die XXII februarii. Quod consilium per quod ser Marinus Viglioni, iturus consiliarius Crete, ire tenetur ad dictam consiliariam cum primo navigio, qui iret ad dictas partes Crete, revocetur in tantum quod dicto ser Marino elongetur terminus eundi ad dictam consiliariam usque ad medium mensis aprilis proximi cum condicione quod ire teneatur cum primis navigiis disarmatis que inde in antea ibunt ad dictas partes. Quod consilium loquens de rectoribus de extra culfum qui tenentur ire ad suum regimen cum primis lignis euntibus ad ipsas partes revocetur in tantum quod nobili viro Iacobo Gradonico electo consiliario Crete quod ire teneatur cum primis galeis armatis que recedent ad tempus novum iture ad dictas partes. Et si galee armate non recedent per muduam venturam qui irent ad ipsas partes vel non recedent per totum mensem marcii vel usque ad medium mensis aprilis quod usque ad ipsum terminum teneatur recedere cum navigiis disarmatis.