Παραχωρείται στο Bartolomeo Gradenigo μια σερβενταρία που ανήκε στον μακαρίτη Pietro Vidal και είχε πουληθεί σε δημόσιο πλειστηριασμό για να εξοφληθεί η προίκα της χήρας του δεύτερου.

Nos Iustinianus Iustiniano ducha Crete cum nostro consilio et successoribus nostris damus et concedimus Bartholomeo Gradonico et eius heredibus serventariam unam ***, que fuit olim Petri Vitalis, quam vendi fecimus et deliberari publice per incantum pro solvendo iudicatu repromisse uxoris dicti quondam Petri, post clamorem factum secundum usum, cum omnibus suis habenciis, pertinenciis et villanis. Quam serventariam tenetur idem Bartholomeus defendere et varnire secundum usum. Et iuravit fidelitatem domino nostro duci, nobis et successoribus nostris, capitulare obediencie, concessionem et varnicionem et cetera capitula. Actum anno Domini MCCCXX, mense octubris, die V exeunte, indicione IIIIa. Ego Iacobus de Iordano notarius et cancellarius Crete de mandato dicti domini duche et eius consilii predicta scripsi.