Προς τον δούκα Κρήτης. Μετά από αίτημά του, ο Andrea λεγόμενος Palicari εκλέχτηκε από το Μεγάλο Συμβούλιο της Βενετίας γραφέας και ζυγιστής αλευριού στη σχετική υπηρεσία του Χάνδακα. Η εκλογή του επικυρώθηκε από το Μικρό Συμβούλιο της Βενετίας.

Duche et consiliariis Crete Devotis supplicationibus Andree dicti Palicarii habitatoris civitatis nostre Candide et fidelis nostri, quem nobis laudabile de ipso testimonium nobis perhabitum recommendat annuentes, benignus prudenciam vestre scribimus et per nos et nostrum consilium minus et maius vobis precipiendo mandamus, quatenus ipsum Andream visis presentibus in scribam et ponderatorem farine comunis et civitatis predicte de Candida cum salario yperpera XVIII in anno et aliis officii ipsius utilitatibus et condicionibus recipere et confirmare et receptum et confirmatum tenere ad nostrum beneplacitum debeatis. Verum si non legaliter et bene gereret in officio prelibato, ipsum ab eo privare et sicut vobis videbitur punire possitis. Data XVIIIo decembris, VIIIe indictionis [1309] Similis littera facta fuit duche et consiliariis presentibus et futuris aperta.