Ο δούκας Κρήτης Marino Morosini παραχωρεί στο τάγμα των Δομηνικανών (Fratres Predicatores) της Κρήτης τμήμα οικοπέδου στον Χάνδακα, το οποίο ανήκει στην καβαλαρία του ποτέ Biagio Pasqualigo. Η αγοραπωλησία πραγματοποιήθηκε από τον εκτελεστή της διαθήκης του Pasqualigo, Giovanni Michiel. Το τάγμα αγόρασε το οικόπεδο για την εκκλησία τους, τον Άγιο Πέτρο στον Χάνδακα.

Nos Marinus Mauroceno duca Crete cum nostro consilio damus et concedimus Fratribus Predicatoribus cretensibus et eorum successoribus medietatem cuiusdam pecie terre vacue in civitate Candide posite de racione milicie Valasii Pascaligo defuncti; quam medietatem Iohannes Michael commissarius ipsius Valasii Pascaligo eisdem Fratribus iam dudum vendidit, sicut nobis constitit evidenter, videlicet medietatem illam que versus boream respicit cum habenciis et pertinenciis omnibus eidem medietati de iure spectantibus pro precio iperperorum in Creta currentium LXV; que iperpera idem Iohannes Michael tenetur expendere in utilitate predicte milicie, specialiter in faciendis domibus super reliquam medietatem eiusdem terre amodo usque ad unum annum. Predicti vero Fratres prenominatam suam medietatem habere et tenere ac possidere debeant nomine sue ecclesie Sancti Petri civitatis Candide ad suam et predicte ecclesie utilitatem. Hec igitur per nos et successores nostros rata et firma volumus perpetuo permanere. Actum anno Domini MCCLXXIIII, mense ianuarii, die X exeunte, indicione IIIa. Item sunt iperpera XX, que habet dominus Iohannes Michael, que fuerunt de terra vendita Fratribus et debent poni dicta iperpera in laborerio super terram civitatis de suprascriptis duabus serventariis.