Ο δούκας Κρήτης Vitale Michiel παραχωρεί στο τάγμα των Δομηνικανών μισό οικόπεδο στον Χάνδακα, το οποίο αγόρασαν από τον Marino Barbarigo και τον Nicola de Desso de Iadra. Το οικόπεδο αγοράστηκε για την εκκλησία του Αγίου Πέτρου των Δομηνικανών του Χάνδακα.

Nos Vitalis Michael ducha Crete cum nostro consilio damus et concedimus Fratribus Predicatoribus cretensibus et eorum successoribus medietatem cuiusdam terre vacue pecie, in civitate Candide posite, de ratione suprascripte milicie; quam medietatem Marinus Barbadico et Nicolaus de Desso de Iadra eisdem Fratribus iam dudum vendiderunt, sicut nobis constitit evidenter, videlicet medietatem illam que versus austrum respicit cum habenciis et pertinenciis omnibus eidem medietati de iure spectantibus pro precio iperperorum LXV, que poni debent in augmentum milicie predicte. Ipsi vero Fratres prenominatam suam medietatem habere, tenere ac possidere debeant nomine sue ecclesie Sancti Petri civitatis Candide ad suam et predicte ecclesie utilitatem. Insuper concessimus et libertatem ipsis Fratribus dedimus auctoritate literarum domini nostri ducis ocupandi illum callem qui discurebat inter terram vacuam olim de milicia suprascripta et domum dictorum Fratrum ad suam et ecclesie sue utilitatem. Hec igitur per nos et successores nostros rata et firma volumus perpetuo permanere. Actum anno Domini MCCCI, mense marcii, die VIII exeunte, indicione XIIIIa.