Οι σύμβουλοι Κρήτης Pietro Bragadino και Filippo Belegno παραχωρούν στον Marco Caravello έναντι 80 υπ. οικόπεδο στον Xάνδακα κοντά στην εκκλησία της Παναγίας των Σταυροφόρων (de Militibus) για την ανέγερση κατοικίας. Η άδεια παραχώρησης οικοπέδου είχε δοθεί στον Caravello από τον δόγη της Βενετίας, ο οποίος έδωσε εντολή στον δούκα Κρήτης Giacomo Zane να προχωρήσει στην παραχώρηση αυτή.

Nos Pe. Bragadino et Fi. Belligno consiliarii et rectores Crete manifestum facimus cum successoribus nostris quia damus et concedimus sive vendimus Marco Caravello et eius heredibus illam terram peciam terre vacue positam ante ecclesiam Sancte Marie de Militibus, habentem per longuitudinem passus XVI et per latitudinem passus VIII÷ et firmat versus orientem in calli qui discurit inter ipsam terram et ecclesiam, versus occidentem in terra comunis, versus austrum in calli et versus boram in terra comunis, pro iperperis LXXX cum plena virtute et potestate habere, tenere, vendere, donare et quicquid ex ea ||sibi|| placuerit facere, auctoritate literarum de nostri ducis continentium hunc modum; Iacobus Teupulus et cetera, nobili et sapienti viro Iac. Ianne de suo mandato duce Crete et nobilibus viris eius consiliariis, fidelibus suis dilectis salutem et dilectionis affectum; ex parte nobilis viri Marci Caravello militis Crete fidelis nostri dilecti fuit nobis humiliter supplicatum quatenus domum vel terram pro facienda domo in civitate Candide sibi precio concedere dignaremus. Nos vero supplicantionem eius in quantum possimus et debeat exaudire cupientes, sue merito probitatis discretione vestre per nos et nostrum consilium precipimus per sacramentum vos attentius deprecantes quatenus si fieri poterit cum statu honore et comoditate civitatis Candide secundum vestram discrecionem eidem nobili domum vel terram pro domo facienda in civitate Candide dare et concedere competenti precio debeatis. Actum anno Domini MCCXLVII, mense iunii, indicione Va, per manum Blasii Baronci primicerii Sancti Marci Crete nostre curie cancellarii.