Με την έγκριση του δούκα Κρήτης Giovanni da Canal ο Mainardino Selario πούλησε στον Tarvisio de Orlando μια σερβενταρία που κατείχε στην περιοχή του χωριού Καμάρες. Ο Selario διατηρεί τη δεύτερη σερβενταρία που κατέχει στο σεξτέριο του Castello στο χωριό Άγιο Θωμάς. Καταχωρίζεται στο Κατάστιχο η παραπάνω σερβενταρία στο όνομα του Tarvisio Orlando.

Nos quidem Iohannes de Canale de mandato illustris domini nostri ducis Veneciarum duca Crete una cum nostro consilio ponimus infrascriptis, quod Mainardinus Selarius venit ante nos dicens quod habebat serventariam unam in isto sexterio in loco qui dicitur Camare, que erat in societate cum una alia serventaria ipsius in sexterio Castelli et defendebat ad equum; unde venerat in concordio vendendi ipsam de Camare Tarvisio Orlando, id circo rogabat ut consentire deberemus predictam vendicionem; pro qua de causa videndo iustum esse placuit nobis, quod ipse Tarvisius Orlandus habere deberet serventariam nobis consencientibus cum omnibus racionibus pertinentibus illi serventarie tam de intus civitate quam de foris, de villanis et possessionibus, cum tali ordine quod Mainardinus debet remanere ad pedem armatum ad modum serventium super serventariam de Castello de Agio Thomas. Data MCCXXXVIII, indicione XIIa, de mense ianuarii, per manum Proquardini notarii et cancellarii. Tirvisius Orladus sergentariam I, que quondam fuit Mainardini Selarii, consenciente domino Iohanne de Canale duca Crete et eius consilio, sicut superius dictum est. Iuravit Tirvisius Orladus varnicionem, concessionem, manifestacionem, obedienciam et omnes capitulares sine aliqua tenore. Defendit personaliter cum ordine supradicto.