Περίληψη
O Giacomo da Vigonza έδωσε στον Giovanni Malcento έναν βιλάνο άγραφο και έλαβε κατοικία και οικόπεδο στον Χάνδακα. Ο da Vigonza έδωσε επίσης άλλον έναν βιλάνο άγραφο στον Marco da Lasito. Οριοθετείται η κατοικία και το οικόπεδο που έλαβε ο da Vigonza στον Χάνδακα. Εγκρίνει ο δούκας Κρήτης Nicola Navigaioso.
Κείμενο
Dictus Iacobus de Vigonça dedit unum de predictis agraffis suis, quos recipere debet, Iohanni Malcento pro incambio quod fecit cum eo de domo et terra civitatis, sicut infra continetur; debet modo recipere agraffos IIIIor.
Item dedit postea Marco de Lasyto unum de predictis agraffis, sicut infra continetur.
Iohannes Malcento concessit Ia. de Vigonça de predicta sua terra et domibus de civitate peciam unam cum domibus super positis habentem passus tredecim versus orientem per longitudinem et firmat in via publica, versus occidentem passus tredecim et firmat in eodem Io. Malcento, versus boream habet per latitudinem passus VIII et pedes II et firmat similiter in ipso Io. Malcento, versus austrum passus VIIII et pedem unum confiniat cum via publica, hac condicione apposita quod murus versus occidentem, quem fecit Io. Malcento, debet esse comunis inter eos, et murum versus boream debet facere Ia. de Vigonça suo expendio, qui similiter debet esse comunis inter utrumque pro concambio unius carte de agraffo uno, quem sibi dedit idem Iacobus, videlicet a scalis citra versus Paracandidam et pro iperperis LXXV, que idem Ia. sibi dedit, fidavit tamen uterque, videlicet quod dictus Io. ponere debet agraffum predictum et ipsa iperpera in utilitate antedicte sue milicie et augmentum et dictus Ia. eamdem domum et terram in augmentum sue milicie quam nunc habet, consenciente domino Nicolao Navigaioso duca cretensi et eius consilio. Data anno Domini MCCLXI, mense februarii, die V intrante, indicione V.
