O Giacomo da Vigonza καταχωρίζει μια καβαλαρία στην Κριτσά μετά τον θάνατο του αδελφού του Pietro da Vigonza και την κατανομή με τον Litifredo Simone κηδεμόνα των ανήλικων τέκνων του Pietro da Vigonza.

Iacobus de Vigoncia habet antedictam miliciam de Griceis, que fuit Petri de Vigoncia fratris sui defuncti, secundum divisionem quam ipse fecit cum Litifredo Simeone tutore puellarum predicti Petri, ex hac milicia et milicia de Ystrina, remanente in ipso Litifredo nomine ipsarum puellarum antedicta milicia de Ystrina cum illa parte de casali Platipodi et cum salinis et molendino, que fuerunt de hac milicia de Griceis. Insuper dictum molendinum habet unam peciam terre prope ipsum de mensuris VI cum potestate incidendi ligna de bosco et tollendi pro utilitatibus et serviciis omnibus molendini. Quam miliciam tenetur defendere per socium. Iuravit itaque concessionem et cetera capitula secundum consuetudinem aliorum militum Crete, consenciente domino Alberto Mauroceno duca Crete et eius consilio. Anno MCCLVII, mense iunii, die XI exeunte, indicione XVa. Preterea hec antedicta milicia de Griceis tenetur ponere sergentem in castello Mirabelli sicut olim facere consuevit.