Η Anfelisa Querini και ο γιος της, Angelo, έλαβαν δάνειο 50 υπερπύρων από την Marchesina Tron και ισόποσο δάνειο από την Giacomina Querini.

Die XI intrante. Anfelise, relicta Petri Quirino, et Angelus Quirino, filius quondam eiusdem Petri Quirino, habitatores in Candida receperunt a Markesina, relicta Pascalis Truno, habitatrice in eadem Candida, yperpera in Creta currentia quinquaginta apud se retinenda in suis utilitatibus peragendis, a modo usque ad dimidium annum completum, tali quidem ordine quod ad suprascriptum terminum dare tenetur eidem hic in dicta Candida omnia sua suprascripta yperpera cum illo prode quod inde habuerint illi qui emerunt hoc anno presenti redditus prode civitatis maioris sub pena dupli, se tenendo in parte vel in toto ad quemcumque eorum voluerit et cetera ut confessa est. Testes Marinus Vidaliano et presbiter Iohannes Falcon. Item eodem ordine receperunt a Iacobina, relicta Thome Quirino, habitatrice in eadem Candida, yperpera in Creta currentia L eaque dare tenentur ad dictum terminum ordine predicto. Testes suprascripti.