Ο δούκας Κρήτης Guido da Canal παραχωρεί στον Pietro Querini του Angelo δυόμισι σερβενταρίες, τις οποίες είχε αγοράσει από την Agnese κόρη του ποτέ Giorgio de Lasito. Η μία σερβενταρία βρίσκεται στο χωριό Βάρι και η άλλη μιάμισι στο χωριό Παράνυμφοι.

Nos Guido de Canale ducha Crete cum nostro consilio et successoribus nostris damus et imperpetuum concedimus Petro Quirino filio quondam domini Angeli Quirino sergentarias duas et dimidia, quarum una est posita in loco nominato Varry et alia una et dimidia in loco nominato Paraniffi, quas Agnes filia quondam Georgii de Laxito et sola succedens in bonis suprascripti patris sui, ut patet in una successionis carta testata et roborata manu Onufrii Iudicis notarii et per viros nobiles Iohannem Secreto, Nicolaum de Molino et Iacobum de Canale nostros iudices confirmata, anno ab incarnatione Domini nostri Ihesu Christi MCCCVIII, mense marcii, die XIIIIo intrante, indicione VIa, Candide, insule Crete, post stridacionem inde factam secundum usum predicto Petro Quirino vendidit iperpera CCLXXXV, de nostro consensu, cum suis omnibus habenciis, pertinenciis et villanis. Iuravit itaque fidelitatem domino nostro duci, nobis et successoribus nostris imperpetuum, varnicionem, obedienciam et cetera capitula concessionis militum, secundum quod consuetudo insule Crete requirit. Actum per manum mei Angeli de Cartura notarii, MCCCVIII, mense novembris, die XVI, indicione VIIa.