Με την έγκριση του δούκα Κρήτης Andrea Dandolo καθορίζονται τα όρια των βουργεζιών στον Χάνδακα του Giacommo Orso και της Agnese κόρης του Giorgio da Lasito.

Hec est divisio inter Iacobum Urso et Agnetem filiam quondam Georgii de Lasito de domibus et terra vacua de civitate. In primis hec est pars domini Iacobi, videlicet de domibus et terra que sunt apud Fratres Minores, que confiniant cum terra milicie Iohannis de Lasito versus boream passus quatuordecim per longuitudinem et passus tres per latitudinem, pars versus austrum est Agnetis predicte, que pars est tantum per longuitudinem et latitudinem, quantum est supradicta pars suprascripti Iacobi. Item sunt de parte dicti Iacobi omnes domus et terra vacua que sunt et est aput Iudecam, excepto domo que est versus occidentem, cuius medietas est Nicolai Avolnar et alia medietas predicte Agnetis. Item venerunt in parte dicte Agnetis omnes domus et terra que sunt et est ante portam Nicolai Bono filii quondam Antonii Bono, excepto domo una versus occidentem, que est Nicolai Avolnar. Actum est hoc consenciente domino Andrea Dandulo ducha Crete et eius consilio. Anno Domini MCCLXXX, mense madii, indicione VIIIa.