Ο Giacomo Coco προπωλεί στον Pietro della Calliva ποσότητα τυριού και μαλλιού.

Die quarta intrante. Manifestum facio Iacobus Cauco habitator Candide cum meis heredibus tibi Petro de la Calliva habitatori in eadem Candida et tuis heredibus quod, a modo usque ad festum sanctorum Apostolorum Petri et Pauli proxime venturum, per me vel per meum missum dare vel dari faciam et deliberare vel deliberari faciam in castro Sythee totum illud caseum et lanam, quem et quam habebunt usque ad suprascriptum terminum Vaxilla cum tribus suis filiis et Iohannes Sagita cum eius filio, ad eam videlicet racionem quam villani de Sythea vendiderint eorum dominis. Ita tamen quod ipsi villani vendidere non debeant dictum caseum neque lanam. Sciendum est quod iam de precio predicto recepi a te yperpera XXXI. Si igitur et cetera, sub pena dupli. Rogatus complere et dare. Testes Hermolaus Savonario et Thomas Dondi decanus Archadiensis.