Ο Giacomo Dandolo νοικιάζει έκταση γης στο χωριό Munisi στον Pietro Querini για πέντε χρόνια.

Die eodem. Manifestum facio ego Iacobus Dandullo habitator Candide quia cum meis heredibus do, concedo atque afficto tibi Petro Quirino habitatori in eadem Candida et tuis heredibus duas videlicet partes tocius terre quam habeo in loco qui dicitur Munisi, a modo usque per totum mensem iulii proximum et inde usque ad quinque annos complectos, cum omni plena virtute et potestate intromittendi, habendi et cetera, secundum usum. Pro affictu itaque dicte terre ex primo anno de predictis sex michi dare debes ibi super aeram totum semem quod super dictam terram seminabis, si non seminaveris in kalorgiis. Si vero seminabis in kalorgiis, michi dare debes, de duabus mensuris quas seminabis, mensuras tres. In reliquis vero quinque annis michi dare debes annuatim super aeram, tempore messionis, mensuras boni furmenti cretensis nonaginta tres. Rogatus complere et dare. Testes Petrus Borgognon et Phylipus, filius Girardini riparii.