Οι καταλανοί και εβραίοι Iosep Gavio και Ysaac Ligon, μετά από αντιδικία που είχαν μεταξύ τους σχετικά με την εξόφληση μιας colleganza και commenda που είχαν συνάψει με εβραίους της Μαγιόρκας, συμφώνησαν ενώπιον προξένου και μαρτύρων και δεσμεύτηκαν ο ένας απέναντι στον άλλο για τον τρόπο εξόφλησής της.

Die XIII intrante. Cum questio verteretur inter Iosep Gavio iudeum de Barcellona ex una parte et Ysaac Ligon iudeum de Barchinona ex altera coram discretis et viris dominis Guilielmo de Vico consule Catellanorum et Belingierio Cantulino catelano de illis libris CXXIII et saudis sex, quas et quos habuerunt in colenganciam et commandariam ab Abramo Bono et Aymbrano Xulel, iudeis Maiorice in viatico quod faciebant apud Calerum et Tunissum cum navi domini Marsabon et sociorum tali quidem modo, quod si aliquis illorum redderet Maioricas vel Barcelonam, quod ille qui primo redderet, teneretur dare et reddere ipsis Abraamo Bono et Aymbrano Xulel iudeis totam suam commandariam cum sua parte lucri. Et cum dictus Iosep Gavio iudeus credebat prius reddire et ire Barchenonam vel Maioricas ante dictum Ysac Ligon iudeum, petebat quod dictus Ysac deberet sibi dare totam illam medietatem dicte coligancie et commendationis quam habebat penes se ad hoc ut posset eorum creditoribus satisfacere. Qui Ysac iudeus ex adverso respondebat simili modo. Unde predicti iudices, habito super hoc conscilio diligenti ab omnibus mercatoribus, sententialiter dixerunt quod quilibet predictorum Iosep et Ysac iudeorum deberet habere et tenere penes se partem suam sue commandarie et coligancie, quod unus alteri deberet facere cartam securitatis de conservando ipsum indepnem de predicta sua medietate ipsius commandarie. Manifestum facio ego Ysac Ligon iudeus cum meis heredibus tibi suprascripto Iosep Gavio iudeo et tuis heredibus quod si tu ibis vel reddes Barchelonam vel Maioricas ante me et aliquod dapnum tibi evenerit clarefactum, de mea medietate ipsius commandarie et coligancie quarti habeo et retineo penes me debeo per me vel per meum missum tibi vel tuo misso totum ipsum dapnum cum pasus fueris emendare, omni occasione remotta. Hec autem et cetera. Et e converso fieri debet suprascripto Ysaaci. Testes Nicolaus de Misina, Nicolaus de Firmo, Franciscus Çapani. Complere et dare. Vicedominus Franciscus Paradiso. X.