Ο Nicola Venier παραχωρεί στον Γεώργιο Κοπανά έκταση γης με την υποχρέωση να καλλιεργήσει αμπέλια και άλλα δέντρα. Για τα πρώτα 7 χρόνια δεν θα καταβάλλει ενοίκιο, ενώ για το υπόλοιπο χρονικό διάστημα ως ετήσιο ενοίκιο ορίζεται το 1/3 της παραγωγής σε μούστο και καρπό.

Die eodem. Manifestum facio ego Nicolaus Venerio habitator Candide quia do et concedo tibi Georgio Copana habitatori in castro Açupadhe et tuis heredibus et proheredibus imperpetuum tres mensuras terre de iure ipsius mee millicie de lo Açupadhe, que est in lo Lango ab arbore corbari parvi superius, amodo videlicet in antea imperpetuum, cum plena virtute et potestate intromittendi, habendi, tenendi, possidendi, dandi, donandi, vendendi, cum suo onere et omnes alias tuas utilitates in ea et ex ea faciendi cum quibuscumque tibi placuerit imperpetuum, nemine tibi contradicente. Super quam terram debes inplantare vineam et arbores sicut tibi bonum videbitur. Quam vineam et arbores debes omni anno per tempora congrua bene et convenienter aptare, çerpire, çapare, scafiçare, catavoliçare et eam lachiçare secundum ussum loci et inculmine tenere et conservare omnibus tuis expensis. Tu vero debes ipsam habere et gaudere amodo usque ad annos VII prius venturos et inde in antea debes michi dare omni anno de toto musto et fructu ex dicta vinea et arboribus provenientibus tempore vindemie super patiterium terciam partem, aliis duabus partibus tibi retentis. Sciendum est quod si veneris ad vendendum eam et eam voluero vel aliquis qui teneatur semper stare in dicto meo loco, debes nobis ipsas dare pro tanto quanto fuerit extimatas valere si eas voluerimus. Et alioquin possis ipsas vendere cui volueris, sub pena yperperorum XXV et in sua permaneat firmitate. Testes suprascripti. Complere et dare. Non. VI