Tα αδέλφια Nicola, Girolamo, Giacomo και Giovanni Gradenigo νοικιάζουν από τις αδελφές τους Marchesina Dono και Agata Gradenigo μισή καβαλαρία καθώς και το μερίδιο της Agata από την πατρική περιουσία σε Κρήτη και Βενετία για τόσο διάστημα όσο για να εξοφληθεί η προίκα της τρίτης αδελφής τους, Gradeniga συζύγου του Giacomo Mudazzo. Κάθε χρόνο θα καταβάλλουν στον Mudazzo 100 λίβρες βενετικά δουκάτα για την προίκα της Gradeniga και στην Agata 40 υπέρπυρα για διατροφή μέχρι τον γάμο της.

Die eodem. Cum in testamento domine Agnetis Gradonico, uxoris condam domini Petri Gradonico contineatur quod Gradonica eius filia, uxor Iacobi Mudacio habere debeat tantum de bonis suis quod sufficiat ad solucionem sue repromisse mille librarum solvendam in termino que ipsa repromissa sibi debet solvi ac etiam continetur in ipso suo testamento quod Agathes Gradonico filia sua habere debeat de bonis suis et suis bonis paternis victum et vestitum donec maritabitur et cum virum acceperit, quod debeat habere de bonis suis tantum quod sufficiat ad solucionem mille librarum pro suo maritare, computando sua bona paterna, manifestum facimus nos Nicolaus, Gieronimus, Iacobus et Iohannes Gradonico fratres, filii condam suprascripti domini Petri Gradonico, habitatores Candide cum nostris heredibus quia recepimus ad affictum a vobis Markesina Dono et Agathe Gradonico sororibus nostris, condam filiabus et commissariis suprascripte domine Agnetis Gradonico condam matris nostre totam et integram illam mediam milliciam de lo Dimilie condam suprascripte matris nostre cum omnibus suis habenciis et pertinenciis ac villanie et totam illam partem tui suprascripte Agathe que tibi venit de nostris bonis paternis tam de Veneciis quam de Creta. Quas habere et tenere debemus nomine affictus amodo videlicet in antea donec suprascriptus Iacobus Mudacio cognatus noster vir suprascripte Gradonice sororis nostre integre fuerit satisfactus de residuo sue repromisse mille librarum quam debet recipere pro suprascripta Gradonica uxore sua, sorore nostra, solvendo eam sibi in illis terminis quibus eam debet recipere et donec tibi suprascripte Agathee observabimus illud quod debes habere et recipere tam pro tuo maritare quam pro tuo victu et vestitu, ut in testamento suprascripte matris nostre continetur, cum omni plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi, super terris eorum laborandi, fructus et introitus atque redditus recolligendi et omnes alias nostras utilitates in eis et ex eis faciendi ut superius dictum est, nemine nobis contradicente. Nos vero debemus dare et solvere vobis pro affictu ipsius medie millicie matris nostre condam omni anno libras C ducatorum venetorum, quas dare et solvere debetis suprascripto Iacobo Mudacio pro solucione sue repromisse uxoris sue, sororis nostre, in illis terminis quibus eas recipere debet. Et si aliquit deficit sibi de pagis ellapsis sue repromisse, illud similiter vobis solvere debemus. Etiam sciendum est quod quod adhuc pro affictu suprascripte medie millicie et pro parte tua tui suprascripte Agathe de bonis tuis paternis debemus vobis dare omni anno yperpera in Creta currentia XL pro victu et vestitu tui suprascripte Agathe donec virum acceperis, silicet medietatem in principio cuiuslibet anni et aliam medietatem in medio cuiuslibet anni secundum formam testamenti matris nostre. Et si contingerit pro aliquo casu quod tu suprascripta Agathes non stares simul cum suprascripta Markesina sorore nostra, debemus tibi dare pro tuo victu et vestitu annuatim ultra predicta yperpera XL illud quod dictum fuerit per tres ex nostris propinquis esse conveniens tibi dare. Item vero nos debemus facere varnitionem dicte medie millicie ad libitum signorie et solvere omnes colectas et iacta factas per signoriam que solent poni ad solvendum pro feudis. Hec omnia sub pena dupli prout evenerit pro quolibet termino et cetera. Testes Marcus Steno Bugho, Petrus Donno et Daniel Greco. Complere et dare. Non.