Περίληψη
Tα αδέλφια Geronimo, Giacomo και Giovanni Gradenico γιοι του ποτέ Pietro Gradenigo βεβαιώνουν τον αδελφό τους Nicola ότι μοίρασαν την καβαλαρία που κληρονόμησαν από τη μητέρα τους, καθώς και την πατρική γη που έχουν νοικιάσει από τις αδελφές τους Marchesina Donno και Agata. Καταγράφεται το μερίδιο καθενός από τα τέσσερα αδέλφια.
Κείμενο
Die eodem. Manifestum facimus nos Ieronimus, Iacobus et Iohannes Gradonico fratres, filii condam domini Petri Gradonico, habitatores Candide, tibi Nicolao Gradonico filio condam eiusdem Petri Gradonico, fratri nostro habitatori Candide quia in Dei et Christi nomine divisimus inter nos quatuor illam mediam milliciam de lo Dimilie condam matris nostre et illam partem nostrorum bonorum paternorum, que venit Agathe sorori nostre, quas habemus ad affictum a Markesina Donno et suprascripta Aghate sororibus nostris, commissariis condam matris nostre, prout continetur et legitur una manifestacionis carta testata et roborata manu infrascripti notarii facta suprascriptis sororibus nostris. Hec est pars que venit tibi suprascripto Nicolao pro texeris, silicet domus civitatis cum terra de l'Ascu et Avudhu, Stephanachi vilanus noster et Iohannes et Paulus Combiti fratres qui exiverunt cum Theodoro Cortaci extra insulam cum illa racione quam habebamus de ipsis. Hec est pars que venit in me Gieronimum pro texeris, silicet tota pars Iofirachie que venit in Agatha sorore nostra de bonis paternis. Item carte III ÷ agraforum, de quibus una est illa quam pater noster habuit quando fuit consiliarius Candide. Item Costa Gonati et Iohannes Spanosani villani nostri qui sunt de media millicia de lo Dimilie. Hec est pars que venit in me Iacobum pro texeris, silicet tota terra de lo Dimilie cum toto çardino. Item Çorçi Gonati villanus noster cum duobus filiis suis Iohannes et Costa. Item carte IIII agraforum que sunt pro Leone Combiti, Petro Combiti et Manoli Combiti fratres et Michali Apelati. Hec est pars que venit in me Iohannem per texeram, silicet molendinum de lo Dimilie cum terra que est a via inferius molendini versus Tartarum. Item item que poterit haberi de Georgio Chiefala et Iohanne Gonati villanis medie millicie de lo Dimilie. Hanc nostre divisionis cartam ratam et firmam, habebimus imperpetuum sub pena yperperorum CC pro quolibet nostrum et in sua permaneat firmitate. Debeo facere cuilibet carta sua suprascripte divisionis. Testes Nicolaus de Missina et Petrus de Variente. Complere et dare.
