Ο σύμβουλος Κρήτης Domenico Michiel παραχώρησε στον Pantaleone Firiolo 1½ σερβενταρία, την οποία αγόρασε από τον Pietro Vassalo.

Nos Dominicus Michael consiliarius cretensis, rector Candide cum nostro consilio damus et concedimus Pantaleoni Firiolo civi cretensi et eius heredibus sergentariam unam et dimidiam antedictam, que scripta erat Petro Vassalo in milicia antedicta de Damania, quam dictus Petrus Vasallo cum suis habenciis et pertinenciis omnibus et villanis sibi vendidit. Idem vero Pantaleon tenetur dictam sergentariam et mediam defendere et varnire simul cum alio suo feudo quod in cretensi insula habet ad beneplacitum nostrum successorumque nostrorum. Iuravit itaque fidelitatem domino nostro duci Veneciarum secundum tenorem concessionis militum et cetera. Hec igitur per nos et successores nostros rata et firma volumus perpetuo permanere. Actum anno MCCLXXVII, mense marcii, die VIII exeunte, indicione Va.