Παραχωρείται στον Giovanni Vido μια σερβενταρία του ποτέ Iωάννη Kατσίκη, την οποία είχε αγοράσει από τον Mάρκο Kατσίκη εγγονό του Iωάννη. Διασφαλίζονται τα δικαιώματα της Kεράννας συζύγου Mάρκου Kατσίκη για την προίκα της.

Nos Iustinianus Iustiniano ducha Crete cum nostro consilio et successoribus nostris damus et concedimus Iohanni Vido et eius heredibus serventariam unam quondam Iohannis Cacichi de supradicta kavalaria, quam ei vendidit Marcus Cacichi nepos quondam dicti Iohannis Cacichi, cui Marco spectabit ipsa serventaria, cum omnibus suis habenciis, pertinenciis et villanis, post clamorem inde factum secundum usum, salvo iure repromisse Kerane uxoris dicti Marci Cacichi, quam reperiretur dedisse dicto eius viro. Tenetur dictus Iohannes Vido dictam serventariam defendere et varnire secundum usum curie Crete. Et iuravit fidelitatem domino nostro duci, nobis et successoribus nostris, et capitulare obediencie, concessionem et varnicionem et cetera capitula secundum usum curie Crete. Actum anno Domini MCCCXVIIII, mense novembris, die IIIIo intrante, indicione tercia. Ego Iacobus de Iordano notarius et cancellarius Crete de mandato dicti domini duche et eius consilii predicta scripsi.