Παραχωρούνται στον Pietro della Porta δύο καβαλαρίες στο διαμέρισμα των Χανίων στην τούρμα Κισάμου στη θέση Ψαθί και στην περιοχή Κουφός, τις οποίες κατείχε ήδη ο ίδιος.

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus damus et concedimus Petro de la Porta habitatori Chanee duas suas kavalarias, quas ipse possidet et tenet, positas in iurisdicione Chanee, videlicet una in Chissamo et ad Psiti et altera ad Cuffo, post clamorem inde factum secundum usum Candide et Chanee, ut habuimus per litteras nobilis viri Ubaldini Iustiniano rectoris Chanee, cum omnibus ipsarum duarum milliciarum habenciis, pertinenciis et villanis. Ipse vero Petrus de la Porta predictas duas millicias tenetur defendere et varnire, unam personaliter et alteram per socium. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitularis concessionis et capitularis millitum. Actum anno Domini MCCCXIIII, mense iunii, die VIII intrante, indicione XIIa, Candida. Ego Egidius de Iordano diaconus Sancti Geminiani et notarius de mandato suprascripti domini duche et sui consilii scripsi.