O Marinello de Gribiva παραλαμβάνει, εκ μέρους του ίδιου και των αδελφών του, από τον δούκα Κρήτης μιάμιση καβαλαρία, η μία από την οποία βρίσκεται στις θέσεις Σκουτελώνας και Καρές Κισάμου, και η μισή στις θέσεις Μεσόγεια και Μελισουργειά Κισάμου, και Κακοπόταμος της τούρμας Σελίνου. Η μιάμιση αυτή καβαλαρία ανήκε στον πατέρα τους, Matteo.

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus damus et concedimus Marinello filio Mathei de Gribiia habitatori Chanee kavallariam unam et dimidiam positas in iurisdicione Chanee predicti Mathei patris sui cum omnibus habenciis, pertinenciis et villanis post clamorem inde factum secundum usum Candide et Chanee salva racione fratrum suorum, filiorum predicti Mathei, de quibus kavallaria posita est ad Scutellonam et Caream, et dimidia posita est ad Mesoliam, in turma Arene ad Cacopothamo et Milisurgia. Quas quidem kavallariam unam et dimidiam predictus Matheus de Gribiia voluit quod scriberentur suprascripto Marinello filio suo cum condicione predicta, videlicet salva racione aliorum filiorum suorum, ut habuimus per litteras nobilis viri Ubaldini Iustiniano rectoris Chanee. Ipse itaque Marinellus tenetur suprascriptas kavallariam unam et dimidiam defendi et varnire facere secundum consuetudinem Chanee per socios, quousque pervenerit ad etatem, tenetur eciam de fidelitate domino nostro duci Veneciarum, nobis et successoribus nostris imperpetuum et eciam secundum tenorem concessionis et capitulare millitum. Actum anno MCCCXIIII, mense iunii, die quintodecimo intrante, indicione XIIa. Ego Egidius de Iordano diaconus Sancti Geminiani et notarius de mandato suprascripti domini duche et sui consilii scripsi