Παραχωρείται στα αδέλφια Matteo και Daniele Querini κατοίκους Χανίων μια σερβενταρία στη θέση Γλώσσα, την οποία είχαν αγοράσει από τον Angelo και τον Giovanni Leucari γιους και εκτελεστές της διαθήκης της μητέρας τους, Zanetta χήρας του Marino Leucari

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus post clamorem inde factum secundum usum hic Candide et Chanee, ut habuimus per litteras nobilis viri Ubaldini Iustiniano rectoris Chanee, damus et concedimus nobilibus viris Matheo et Danieli Quirino fratribus habitatoribus Chanee sergentariam unam, positam ad Glossam in iurisdicione Chanee, que fuit Zanete relicte Marini Leucari, quam eis vendiderunt Angelus et Iohannes Leucari filii et commissarii suprascripte Zanete, cum omnibus ipsius sergentarie habenciis, pertinenciis et villanis. Quam quidem sergentariam dicti Matheus et Daniel Quirino tenentur defendere et varnire secundum consuetudinem Chanee. Τenentur eciam de fidelitate domino nostro duci Veneciarum, nobis et successoribus nostris imperpetuum et cetera secundum tenorem concessionis et capitulare millitum. Actum anno Domini MoCCCoXIIIIo, mense iulii, die primo, indicione XIIe. Ego Egidius de Iordano diaconus Sancti Geminiani de mandato suprascripti domini duche et sui consilii scripsi.